by MUHAMMAD AUWAL UMAR

July 7th 2024.

Sabuwar shekarar Musulunci: Wasu jihohin Najeriya sun ayyana hutu ranar Litinin

Wasu jihohin Najeriya sun ayyana gobe Litinin 8 ga watan Yuli, a matsayin ranar hutu ga ma'aikata don murnar shiga sabuwar shekarar musulunci ta 1446 Bayan Hijira.

Cikin wata sanarwa da gwamnatin jihar Kano ta fitar ta hannun kwamishinan yaɗa labarai, Baba Dantiye, ta ce Litinin ta zama ranar hutu ga ma'aikatan jihar, sannan gwamnan jihar ya yi kira ga al'ummar jihar su ɗorawa kan kyawaan ayyukan da suke gudanarwa.

Ita gwamnatin jihar Borno, cikin sanarwar da muƙaddashin gwamnan jihar, Umar Kadafur, ya fitar, ya sanar da hutun ranar Litinin domin girmama shigar sabuwar shekarar ta Musulunci.

Haka gwamnan jihar Osun da ke kudancin ƙasar, Ademola Adeleke ya sanar da hutu a ranar, tare da sanar da cewa zai jagoranci taron tattaki a wani ɓangare na bukukuwan shigar sabuwar shekarar.

Sauran jihohin da suka sanar da hutun a gobe Litinin sun haɗa da Oyo da Kebbi da Kwara da Jigawa.

MUKHZAFAYA GLOBAL RAHAMANIYA ENTERPRISES user

MUHAMMAD AUWAL UMAR

[email protected]

Previous Yadda gwamnatin jihar Gombe ta...

Next Faransa ta kama hanyar shiga s...